Viska kynnir námskeið í sjálfsdáleiðslu í samvinnu við Bernhöft.
Námskeiðið fer fram 9, 10 og 11.september.
Sjálfsdáleiðslunámskeið þar sem fléttað er saman dáleiðslu og jákvæðri sálfræði. Sjálfsdáleiðsla er í raun undirstaðan í allri dáleiðslu, þar sem dáleiðari getur ekki látið þig gera eitthvað sem þú vilt ekki gera. Hér er verið að vinna með þína styrkleika og það sem þú vilt ná fram hvort sem það er að laga eða breyta einhverju hjá þér sjálfri/sjálfum. Dáleiðsla er að efla hugann í þá átt sem þú vilt fara, þetta köllum við markmið. Í sjálfsdáleiðslu getur þú náð að finna lausnir á þeim hindrunum sem gætu verið á leið þinni að settu marki og með því að fara í sjálfsdáleiðslu getur þú komið þér upp bjargráðum hvernig þú ætlar að sigrast á þessum hindrunum. Dáleiðslan er nefnilega mögnuð aðferð bæði til að læra betur inn á sjálfan sig og læra að hlusta bæði á innsæið og það sem undirmeðvitundin er að segja þér. Við förum í margar aðferðir sem þekktar eru í sjálfsdáleiðslunni og ættu allir að finna aðferð sem hentar til að virkja eigin huga í átt að markmiðum sínum.
Í grundvallaratriðum þýðir sjálfsdáleiðsla að setja sjálfan sig í mjög einbeitt hugar ástand. Hugleiðsla og sjálfsdáleiðsla eru mjög lík í grunninn. Munurinn er helst til sá að í sjálfsdáleiðslu erum við að vinna að ákveðnu markmiði, en í hugleiðslunni er verið að kyrra hugann og vera í kyrrðinni og núvitundinni.
Sjálfsdáleiðsla hjálpar þér ekki bara að finna ró, þó hún geti vissulega hjálpað þér að slaka á, heldur getur hún hjálpað þér að takast á við og breyta óæskilegum venjum og gagnslausu hugsanamynstri.
Að dáleiða sig sjálfan er ákvörðun. Að vita hvernig þú berð þig að felst í kunnáttunni. Æfa sig aftur og aftur með ákveðið markmið í huga er að fá reynsluna. Fyrsta skrefið er að geta verið í þögn og kyrrð. Fá hugann í ró og yfirvegun. Hafa athyglina á önduninni.
Hagurinn sem þátttakendur fá út úr því að taka þátt í námskeiðinu er í raun að þau fá meiri innsýn í eigin líðan og fleiri bjargráð til að takast á við streitu og líðan hverju sinni, geta virkjað eigin huga í átt að eigin markmiðum og kunna að sigrast á þessu gamla hugarmynstri sem stendur oft í vegi fyrir að markmið náist. Þau læra aðferðir sem hentar þeim í að læra að hlusta á innsæi sitt og hvernig þau geta náð að efla sig á allan máta sem þau vilja. Það er ekkert sem stoppar okkur í að dreyma nema okkar eigin hugsanir og þá er gott að geta vitað hvort að þessi hugsun er gömul eða ný sem er að hindra okkur í að setja markið hærra eða leyfa okkur að blómstra.
Námskeiðið eru 20 klukkustundir og fer kennslan fram:
9. sept – föstudag frá 17 -21
10. sept- laugardag frá 9-17
11.sept- sunnudag frá 9-17
Námskeiðið er byggt þannig upp að farið er í bókina föstudag og laugardag og notast við aðferðir sjálfsdáleiðslu á sunnudag.
Kennarar eru:
Ingibjörg Bernhöft hjúkurnarfræðingur og dáleiðslukennari og Ingibjörg Bernhöft sjúkraliði, með B.A. próf í sálfræði og meistaragráðu í jákvæðri sálfræði (já þær heita sama nafninu).
Kennslubókin er innifalin í verði námskeiðsins.
Nánari upplýsingar má fá hjá finna inn á:
Þátttakendur geta síðan nýtt sé þennan hluta upp í til að verða fullgildir dáleiðendur velji þeir það.
Hægt er að semja um greiðslur.
Flest stéttafélög veita styrk til námsins.
Ef einhverjar spurningar kvikna má hafa samaband við Fríðu Hrönn, fridahronn@viskave.is og í síma 488 0115
